د خوست ولایت په مرکز کې چاودېدونکي توکي کشف او له منځه یوړل شول
د خوست ولایت له پېښو سره د مبارزې آمادګۍ ریاست د ایریا ماین پاکۍ مؤسسې په ملاتړ، د دې ولایت په مرکز کې بېلابېل چاودېدونکي توکي کشف او په خوندي ډول له منځه یوړل.
د یادو عملیاتو په پایله کې، ۴۱ عدده د مږوای ماینونه (Pomz-6)، ۱۶ فیره د RPG7 مرمۍ ۸۵ ملي مترۍ، ۲ فیره د هاوان مرمۍ ۸۲ ملي مترۍ او ۱۰۰ دانه فیوزونه (MUV) چې د سیمه ییزو اوسېدونکو ژوند یې له خطر سره مخ کړی وو په خوندي توګه خنثی شول.
د یادونې وړ ده، چې د خوست ولایت له پېښو سره د مبارزې امادګۍ ریاست مسئولینو له خلکو وغوښتل، چې د هر ډول مشکوکو يا چاودېدونکو توکو د لیدو په صورت کې دې، ژر تر ژره له اړوندو مسؤلينو سره اړيکه ونيسي، تر څو یې د خنثی کولو لپاره اړين اقدامات ترسره شي.
نېټه: ۱۴۴۷/۸/۰۳ هـ ق
له پېښو سره د مبارزې آمادګۍ ملي اداره
