د سرپل ولایت له پېښو سره د مبارزې آمادګۍ ریاست ۱,۹۳۰ مستحقو کورنیو ته نغدې او خوراکي مرستې ووېشلې

له پېښو سره د مبارزې آمادګۍ ملي ادارې او د ماهو مؤسسې ترمنځ د لاسلیک شوي هوکړه لیک له مخې، چې د پروژې تمویل کوونکی یې د خوړو نړیوال پروګرام (WFP) دی، د سرپل ولایت له پېښو سره د مبارزې امادګۍ ریاست د یادې مؤسسې په ملاتړ، د دې ولایت په سوزمه قلعه او کوهستانات ولسوالیو کې ۱,۹۳۰ مستحقو کورنیو ته له سروې وروسته نغدې او خوراکي مرستې ووېشلې. 
په دې لړۍ کې د مسؤلینو په شتون کې، له یاد شمېر کورنیو څخه ۱,۴۸۳ کورنیو هرې یوې ته ۲,۹۰۰ افغانۍ نغدې پیسې ووېشل شوې، چې ټولټال څلور میلیونه درې سوه زره او اووه سوه (۴,۳۰۰,۷۰۰) افغانۍ نغدې پیسې د یاد شمېر کورنیو لپاره ځانګړې شوې وې او ۴۴۷ کورنیو هرې یوې ته ۳ بورۍ ۵۰ کیلویي اوړه، درې بوتله ۵ لیټره غوړي، ۱۸.۷۵ کیلو دال، نیم کیلو مالګه او همدارنګه، له یادې جملې ۱۹۵ امیندوارو مېرمنو ته سوپر سریال او له ۲ کلنۍ کمو ماشومانو لرونکو ۱۶۵ کورنیو هرې یوې ته ۳۰ پاکټه پلمپي ووېشل شول.

نېټه: ۱۴۴۷/۵/۲۶ هـ ق
له پېښوسره د مبارزې آمادګۍ ملي اداره