د فراه ولایت له پېښو سره د مبارزې آمادګۍ ریاست د طبیعي پېښو له امله ۲۷۵ زیانمنو کورنیو ته نغدي او غیرنغدي مرستې ووېشلې
د رازي او RRAA موسسو سره له پېښو سره د مبارزې آمادګۍ ملي ادارې د لاسلیک شويو هوکړه لیکونو له مخې، د فراه ولایت له پېښو سره د مبارزې آمادګۍ ریاست د یادو موسسو په مالي ملاتړ، په بکواه، فراه رود، بالابلوک او ګلستان ولسوالیو کې د طبیعي پېښو له امله ۲۷۵ زیانمنو کورنیو ته نغدي او غیرنغدي مرستې ووېشلې.
په دې لړۍ کې، د وروستیو پېښو له امله په بشپړه توګه ۱۳۲ زیانمنو کورنیو هرې یوې ته ۲۰۰ ډالره د رازي موسسې لخوا او ۱۴۳ کورنیو ته چې په نیمه توګه زیانمنې شوي وې، هرې کورنۍ ته د RRAA موسسې لخوا د یونیسف سازمان په مالي ملاتړ ۲ تختې ترپالونه ووېشل شول.
نېټه: ۱۴۴۶/۹/۱۹
له پېښو سره د مبارزې آمادګۍ ملي اداره
