د میدان وردګ ولایت په سیدآباد ولسوالۍ کې چاودېدونکي توکي کشف او خنثی کړل شول
د میدان وردګ ولایت له پېښو سره د مبارزې آمادګۍ ریاست د QRT-04 ماین پاکۍ موسسې په ملاتړ، د دې ولایت د سیدآباد ولسوالۍ په سسی کلي کې د هاوان ۸۲ میلیمتره یو فیره مرمۍ او دوه عدده لاسي ګرنیټونه کشف او خنثی کړل.
په عین حال کې، د میدان وردګ ولایت له پېښو سره د مبارزې آمادګۍ ریاست د ماین پاکۍ تخنیکي ټیمونه په ټول ولایت کې مؤظف کړي، ترڅو په پاتې سیمو کې د چاودېدونکو توکو له امله رامنځته کېدونکي خطرونه کم کړي.
د یادونې وړ ده، چې د دې ولایت له پېښو سره د مبارزې آمادګۍ ریاست له خلکو غوښتي، چې د هر ډول مشکوکو یا چاودېدونکو توکو د لیدلو په صورت کې، ژر تر ژره له اړوندو مسؤلینو سره اړیکه ونیسي، ترڅو د خنثی کولو لپاره یې اړین اقدامات ترسره شي.
نېټه: ۱۴۴۷/۳/۱۴ هـ ق
له پېښو سره د مبارزې آمادګۍ ملي اداره
