د میدان وردګ ولایت په میدان ښار کې د اورلګېدنې پېښو د احتمالي خطرونو د کموالي او مخنیوي په پار د عامه پوهاوي د ورکړې پروګرامونه ترسره شول
د میدان وردګ ولایت له پېښو سره د مبارزې آمادګۍ ریاست د اور لګېدنې دایمي کمېټې د غړیو له لوري، د یاد ولایت د میدان ښار باراز اړوند هټیوالو او دوکاندارانو ته د اورلګېدنې د احتمالي پېښو د خطرونو د کموالي او مخنیوي په موخه د عامه پوهاوي پروګرامونه ترسره کړل.
د یادونې وړ ده، چې د عامه پوهاوي د دې پروګرامونو په لړۍ کې هټیوالو او دوکاندارانو ته د هغوی د ځاني او مالي خوندیتوب په موخه لازمې سپارښتنې او لارښونې ترسره شوې.
نېټه: ١٤٤٦/١٢/٢٧هـ ق
له پېښو سره د مبارزې آمادګۍ ملي اداره
