د ننګرهار ولایت له پېښو سره د مبارزې آمادګۍ ریاست ۶۲ زلزله ځپلو کورنیو ته نغدې مرستې ووېشلې
له پېښو سره د مبارزې آمادګۍ ملي ادارې او د CDRO موسسې ترمنځ د لاسلیک شوي هوکړه لیک له مخې, د ننګرهار ولایت له پېښو سره د مبارزې آمادګۍ ریاست د یادې موسسې په تخنیکي همکارۍ او د Cordaid موسسې په مالي ملاتړ، د دې ولایت په دره نور ولسوالۍ کې د وروستۍ زلزلې له امله ۶۲ زیانمنو کورنیو ته نغدې مرستې ووېشلې.
د مرستو په دې لړۍ کې هرې کورنۍ ته له سروې وروسته ۱۰,۲۱۵ افغانۍ چې د ۱۵۰ ډالرو معادل کېږي، ووېشل شوې او ټولټال شپږ سوه درې دېرش زره او درې سوه دېرش (۶۳۳,۳۳۰) افغانۍ د یاد شمېر کورنیو لپاره ځانګړې شوې وې.
د یادونې وړ ده چې د CDRO موسسې د سروې لړۍ روانه ده او ډېر ژر به نورو مستحقو کورنیو ته هم مرستې ووېشل شي.
نېټه: ۱۴۴۷/۰۳/۲۰ هـ ق
له پېښو سره د مبارزې آمادګۍ ملي اداره
