د نورستان ولایت له پېښو سره د مبارزې آمادګۍ ریاست ۶۷۰ مستحقو کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې او د ADDO مؤسسې ترمنځ د لاسلیک شوي هوکړه لیک له مخې، د نورستان ولاست له پېښو سره د مبارزې آمادګۍ ریاست د دې ولایت په مندول ولسوالۍ کې ۶۷۰ مستحقو کورنیو ته له سروې وروسته د خوراکي توکو مرستې ووېشلې.
په دې لړۍ کې هرې کورنۍ ته د مسؤلینو په شتون کې، اوړه، وریجې، غوړي، لوبیا او دال ووېشل شو او د مرستو ترلاسه کوونکو کورنیو له اسلامي امارت او یادې مؤسسې څخه مننه او د نورو مرستو غوښتنه وکړه.
نېټه: ۱۴۴۷/۴/۲۶ هـ ق
له پېښو سره د مبارزې آمادګۍ ملي اداره
