د هلمند ولایت له پېښو سره د مبارزې آمادګۍ ریاست ١٠٧ زیانمنو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د DHSA مؤسسې ترمنځ د لاسلیک شوي هوکړه لیک له مخې، د هلمند ولایت له پېښو سره د مبارزې آمادګۍ ریاست د یادې مؤسسې په مالي ملاتړ، د دې ولایت په سنګین او مارجې ولسوالۍ کې ١٠٧ زیانمنو کورنیو ته د هغو د کورنو د جوړولو او ترمیم په موخه له سروې وروسته نغدي مرستې ووېشلې.
په دې لړۍ کې د مسؤلینو په شتون کې په بشپړ توګه تخریب شویو کورنیو هرې یوې ته ١٠٠١.٥ ډالرو معادل افغانۍ او په قسمي توګه تخریب شویو کورنیو هرې یوې ته د ٢٧٥ ډالرو معادل افغانۍ ووېشل شوې، چې ټولټال د یاد شمیر کورنیو لپاره شپږ پنځوس زره او درې سوه او پنځه اعشاریه پنځه (٥٦٣٠٥.٥) ډالره نغدي پیسې ځانګړې شوې وې.
په پای کې، د مرستو ترلاسه کوونکو کورنیو له اړوندو مسؤلینو څخه د مرستو د ورکولو له امله مننه وکړه او زیانمنو کورنیو ته یې د ورته مرستو د دوام غوښتنه وکړه.
نېټه: ۱۴۴۷/٩/۱۹ هـ ق
له پېښو سره د مبارزې آمادګۍ ملي اداره
