د پنجشیر ولایت له پېښو سره د مبارزې آمادګۍ ریاست په زمان کور سیمه کې د سیند د پاکولو کار پيل کړ
د سیلابي لارو او د خوړونو د پاکولو په هکله له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي د لارښوونې له پر بنسټ، د پنجشیر ولایت له پېښو سره د مبارزې آمادګۍ ریاست د ولایتي کمېسیون د ماشینرۍ او د یاد ریاست د تیلو په کارولو سره د عنابه ولسوالۍ په زمان کور سیمه کې د سیند د پاکولو کار پيل کړ.
له پېښو سره د مبارزې د ولایتي کمېسیون د تخنیکي پلاوي د راپورونو له مخې، د اوبو د وروستۍ لوړېدو له امله د سیمې د اوسېدونکو کرنیزو حاصلاتو ته درانه زیانونه اوښتي دي او د دربند، سنگین او فراج کلیو نښلوونکې لارې د خلکو پر مخ تړل شوې وې.
سربېره پر دې زیانونو، د څو امنیتي پوستو نښلوونکې لارې هم تړل شوې وې او په دې سیمه کې د یو موټررو پل د ویجاړېدو جدي اندېښنه موجوده وه، چې د دې پروژې په بشپړېدو سره به دا ګواښ له منځه ولاړ شي.
نېټه:۱۴۴۷/۶/۱۵ هـ ق
له پېښو سره د مبارزې آمادګۍ ملي اداره
