د پنجشېر ولایت له پېښو سره د مبارزې آمادګۍ ریاست ۴۴ زیانمنو کورنیو ته خوراکي او غیر خوراکي مرستې ووېشلې
د پنجشېر ولایت له پېښو سره د مبارزې آمادګۍ ریاست د IOM, UNICEF او WFP سازمانونو په مالي همکارۍ، د یاد ولایت په بېلابېلو سیمو کې ۴۴ هغو کورنیو ته چې، د طبیعي پېښو له امله یې کورونه په بشپړه او نیمه توګه ویجاړ شوي وو، له سروې وروسته خوراکي او غیرخوراکي مرستې ووېشلې.
د مرستو په دې لړۍ کې هرې کورنۍ ته د مسؤلینو په شتون کې، د WFP لخوا ۱۰۰ کیلو اوړه، ۹.۱ کیلو غوړي، ۱۲.۵ کیلو دال، ۱ کیلو مالګه، ۱ کیلو بسکوټ، ۱.۵ کیلو تغذیوي مواد، د ښځو د تقویې لپاره ۳ کیلو مواد، هغو کورنیو ته چې کورونه یې په بشپړه توګه ویجاړ شوي وو، د IOM لخوا یو باب خیمه، همداراز، هرې کورنۍ ته د پخلنځي د لوښو یو سیټ، ۳ تختې کمپلې او د UNICEF لخوا هرې کورنۍ ته یوه بسته روغتیایي کېټ، یوه بسته البسه او ۲۰ کلچې صابون ووېشل شول.
نېټه:۱۴۴۶/۱۰/۲۱ هــ ق
له پېښو سره د مبارزې آمادګۍ ملي اداره
