د کابل ولایت له پېښو سره د مبارزې آمادګۍ ریاست په سروبي ولسوالۍ کې د ګبیوني دېوال د جوړولو چارې پیل کړې
د امیر المؤمین حفظه الله د لارښوونې له مخې، د کابل ولایت له پېښو سره د مبارزې آمادګۍ ریاست د دې ولایت د سروبي ولسوالۍ په لوی کلي کې، د سېلابونو د زیانونو او خطرونو د مخنیوي په موخه د یو کبیوني دیوال د جوړولو چارې د ۷۲ متره اوږدوالي په درلودلو سره، چې تمویل کوونکې یې له پېښو سره د مبارزې آمادګۍ ملي اداره ده د نه سوه او پنځه لس زره او شپږسوه اتیا (۹۱۵،۶۸۰) افغانیو په ارزښت پیل کړې.
د یادې پروژې د پرانستې مراسم، د دې ولایت له پېښو سره د مبارزې آمادګۍ ریاست د محترم رئیس، د یادې ولسوالۍ د محترم ولسوال، د مرکزي ادارې د مسؤلینو، مخوروسپین ږیرو او سیمه ییزو اوسېدونکو په شتون کې ترسره شول، چې د جوړولو چارې یې د یو ساختماني شرکت لخوا پیل شوې.
د یادونې وړه ده، چې د دې پروژې په بشپړېدو سره به د سیمې وګړي په زیاته کچه د طبیعي پېښو له خطرونو څخه خوندي شي او د سیمې خلکو دا کړنه وستایله او د دې نظام د ثبات او بقا لپاره یې د خیر دعا وکړه.
نېټه: ۱۴۴۷/۷/۲۳ هـ ق
له پېښو سره د مبارزې آمادګۍ ملي اداره
