د کابل ولایت په استالف ولسوالۍ کې د استنادي دېوال د جوړونې کار بشپړ او ګټې اخیستنې ته وسپارل شو
له پېښو سره د مبارزې آمادګۍ ملي ادارې د لوی رییس الحاج ملانورالدین ترابي د لارښوونې له مخې، د کابل ولایت له پېښو سره د مبارزې آمادګۍ ریاست د یاد ولایت د استالف ولسوالۍ په دهن ګذر کلي کې یو استنادي ديوال چې د جوړول چارې یې له وړاندې څخه پیل شوې وې بشپړې او په رسمي ډول ګتې اخیستنې ته وسپاره.
یاد دیوال د ۹۰ مترو په اوږدوالي، ۱.۵ متره سور او ۳.۳ متره لوړوالي د سېلابونو له زیانونو څخه د مخنیوي په موخه د نه سوه شپږڅلویښت زره او درې سوه او درویشت (۹۴۶،۳۲۳) افغانیو په لګښت له پېښو سره د مبارزې آمادګۍ رئیس محترم الحاج مولوي نجیب الله انوري، د استالف ولسوالۍ د ولسوال او سیمه ییزو اوسېدونکو په شتون کې ګټې اخیستنې ته وسپارل شو.
د یادونې وړ ده، چې محترم انوري صاحب ګټه اخیستونکو ته د یادې پروژې د سم ساتلو په اړه لازمې سپارښتنې وکړې او په پای کې سیمه ییزو اوسېدونکو له پېښو سره د مبارزې آمادګۍ ملي ادارې او له یاد ریاست څخه مننه وکړه او خوښي یې څرګنده کړه.
نېټه: ۱۴۴۷/۴/۱۲ هـ ق
له پېښو سره د مبارزې آمادګۍ ملي اداره
