د کندهار ولایت په معروف ولسوالۍ کې یو د الوتکې بمب کشف او خنثی شو
د کندهار ولایت له پېښو سره د مبارزې آمادګۍ ریاست د هیلوترسټ ماین پاکۍ نړیوالې مؤسسې د تخنیکي ټیم په ملاتړ، د یاد ولایت د معروف ولسوالۍ په پانیزو کلي یو د روسانو د وخت څخه پاتې شوی د الوتکې بمب کشف او په خوندي توګه یې له منځه یوړلو.
یاد بمب د سیمې د اوسېدونکو ژوند د احتمالي خطر له ګواښ سره مخ کړی وو، چې په خوندي توګه له منځه یوړل شو.
د کندهار ولایت له پېښو سره د مبارزې آمادګۍ ریاست له خلکو وغوښتل چې د هر ډول ناچاوده او مشکوکو توکو د لیدو په صورت کې دې له اړوندو مسؤلینو سره اړیکه ونیسي ترڅو یې د خطرونو د مخنیوي لپاره اړین اقدامات ترسره شي.
نېټه: ۱۴۴۷/۶/۲٥ هـ ق
له پېښو سره د مبارزې آمادګۍ ملي اداره
