د کونړ ولایت له پېښو سره د مبارزې آمادګۍ ریاست د طبیعي پېښو له امله زیانمنو له ۷۰ کورنیو سره خوراکي مرستې وکړې
له پېښو سره د مبارزې آمادګۍ ملي ادارې د هوکړه لیک له مخې، د خوراک نړیوال سازمان (WFP) په مالي ملاتړ، د RRDPO موسسې په تخنیکي همکاري او د کونړ ولایت له پېښو سره د مبارزې آمادګۍ ریاست په همغږۍ د یاد ولایت په نرنګ ولسوالۍ کې ۷۰ زیانمنو کورنیو ته خوراکي مرستې ووېشل شوې.
یاد شمېر کورنۍ د بارانونو او سېلابونو له امله زیانمنې شوې وې، چې له سروې وروسته هرې کورنۍ ته د کونړ ولایت له پېښو سره د مبارزې آمادګۍ ریاست رییس الحاج قاري ثابت الله صدیقي او د RRDPO موسسې استازو په شتون کې ۱۰۰ کیلو اوړه، ۹.۱ کیلو غوړي، ۱۲.۵ کیلو دالنخود، ۱ کیلو مالګه او انرژي لرونکي مواد PLW ووېشل شول.
د مرستو ترلاسه کوونکو د کونړ ولایت له پېښو سره د مبارزې آمادګۍ ریاست او د (WFP) موسسې څخه مننه وکړه چې پر وخت یې هغوی ته مرستې ورسولې.
نېټه: ۱۴۴۶/۵/۱۱ هــ ق
له پېښو سره د مبارزې آمادګۍ ملي اداره
