د یونیسف او د کډوالۍ نړیوال سازمان مسؤلینو د نیمروز ولایت د پل ابریشم په سیمه کې د دې ادارې له پنډغالي څخه لیدنه وکړه
د نن سهشنبې ماسپښین، د یونیسف دفتر او د کډوالۍ نړیوال سازمان (IOM) مسؤلینو له ایران څخه را اېستل شویو اجباري راستنېدونکو لپاره د جوړېدونکي پنډغالي د بهیر څخه لیدنه وکړه او د داخلي پلټنې آمر, قاري محمد یاسین او د پنډغالي له مسؤول سره یې لیدنه وکړه.
محترم قاري محمد یاسین د پنډغالي د جوړېدو په اړه معلومات ورکړل او ویې ویل چې ټولې خېمې به د هوا یخولو لپاره د کولرونو سره مجهزې شي، او د انسانانو د لومړنیو اړتیاوو ټول امکانات پکې په پام کې نیول شوي دي. نوموړي دا هم وویل چې د اساسي صحي کلینیک د جوړېدو چارې هم نږدې بشپړې شوې دي.
په همدې حال کې، د دواړو ادارو مسؤلینو د یاد پنډغالي له جوړېدو هرکلی وکړ او د مرستندویو ادارو ترمنځ د همغږۍ پر زیاتوالي یې ټینګار وکړ. هغوی د کلینیک لپاره اړینو درملو لیست هم تر لاسه کړ او څرګنده یې کړه چې هڅه به کوي د اړوندو ادارو له لارې دغه درمل برابر کړي.
نیټه: ۱۴۴۷/۰۱/۱۳ هـ ق
له پېښو سره د مبارزې آمادګۍ ملي اداره
