له حیرتان بندر څخه سمنګان، جوزجان او فاریاب ولایتونو ته ۶,۰۰۰ بورۍ اوړه او ۶,۰۰۰ بورۍ وريجې انتقال شوې
له پېښو سره د مبارزې آمادګۍ ملي ادارې د سرپرست الحاج ملا نورالدین ترابي په لارښوونه، د هېواد شمالي ولایتونو ته د قزاقستان هېواد د بشري مرستو د لېږد بهیر پیل شو.
په همدې چوکاټ کې، تېره ورځ پنجشنبه، ۶,۰۰۰ بورۍ اوړه او ۶,۰۰۰ بورۍ وریجې له حیرتان بندر څخه سمنګان، جوزجان او فاریاب ولایتونو ته انتقال شوې. چې د هر ولایت لپاره ۲,۰۰۰ بورۍ اوړه او ۲,۰۰۰ بورۍ وریجې ځانګړې شوې دي.
دا مرستې به د یادو ولایتونو له پېښو سره د مبارزې آمادګۍ ریاستونو په ګدامونو کې ځای پر ځای شي او د اړتیا په وخت کې به مستحقو او زیانمنو کورنیو ته ووېشل شي.
نېټه: ۱۴۴۶/۱۰/۲۹ هـ.ق
له پېښو سره د مبارزې آمادګۍ ملي اداره
