له پېښو سره د مبارزې آمادګۍ ملي ادارې او د افغان ښځو ټولنیزې مؤسسې ترمنځ د ګډو همکاریو تفاهم نامه لاسلیک شوه

نن ورځ یک شنبه، له پېښو سره د مبارزې آمادګۍ ملې ادارې لوی رئیس، محترم الحاج ملا نورالدین ترابي د افغان ښځو ټولنیزې مؤسسې د پروژې له مسؤل، عمران الله کامران سره په خپل کاري دفتر کي وکتل او د ګډو همکاریو تفاهم نامه یې ورسره لاسلیک کړه.
محترم ترابي صاحب، د یادې مؤسسې د پروژې مسؤل ته د ښه راغلاست ترڅنګ وویل، چې خوښ یو چې مؤسسې زیانمنو کورنیو ته مرستي ویشي او د دې مؤسسې د ټول کاري ټیم څخه یې مننه وکړه چې زموږ د ځورېدلي ولس سره همکاري کوي.
همدا راز، ترابي صاحب زیاته کړه چې مرستي باید په شفاف ډول او ژر تر ژره  پر زیانمنو کورنیو ووېشل شي. 
په دوام کې، د  دیادی  مؤسسې د پروژې مسؤل، عمران الله کامران وویل،  موږ غواړو چې افغان ولس ته له بیلابیلو لارو مرستې برابرې کړو او پر مستحقو کسانو یې وویشو.
د یادونې وړ ده، چې دواړو لوریو تفاهم نامه لاسلیک کړه چې له مخې به یې د کابل ولایت په ۸ ناحیو کي د بېړنیو حالاتو پر مهال ۵۳۵ کورنیو ته نغدي مرستې ووېشل شي، چې هرې کورنۍ ته به ۵,۸۰۰ افغانۍ ورکول کېږي چي ټولټال درې ملیونه یو سل او درې زره (۳,۱۰۳,۰۰۰) افغاني کیږي.

نېټه: ۱۴۴۷/۲/۲۳ هــ ق 
له پېښو سره د مبارزې امادګۍ ملي اداره