له پېښو سره د مبارزې آمادګۍ ملي ادارې او د توحید د ټولنیزو او پراختیا چارو مؤسیسې ترمنځ ۶۲۷۷۵ (دوه شپیته زره اوه سوه پنځه اویا) ډالرو په ارزښت هوکړه لیکونه لاسلیک سوه

نن ورځ پنج شنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي   د توحید ټولنیزو او پراختایې چارو مؤسیسې د رئیس نوید احمد احمد او د پروژې د مدیر احمدشاه پاڅون سره په خپل کاري دفتر کي وکتل. 
ښاغلې ترابي صاحب له هرڅه مخکي د TSDO مؤسیسې راغلي پلاوي ته ښه راغلاست ووایه او زیاته یې کړه چي مؤسیسات باید په خپلو کارو کي پوره شفافیت راولي ترڅو زیانمن شوي کورنیو ته پر وخت مرستي ورسیږي.
همداراز ترابي صاحب د ټولو مؤسیساتو څخه وغوښتل چي د ژمني موسم په راتګ سره خپلي مرستي روانې وساتي.
دیادوني وړ ده چي د ۶۲۷۷۵ (دوه شپیته زره اوه سوه پنځه اویا) ډالرو په ارزښت هوکړه لیک لاسلیک شو چي له مخي به یې د کابل، کاپیسا، پنجشیر، پروان، بامیان، دایکندي، پکتیا، پکتیکا، خوست،لوګر، میدان وردګ او غزني ولایتونو کي او همدارنګه د غور ولایت د لعل او سرجنګل په ولسوالیو کي دطبعي پېښو په صورت کي د WFP تر منظورۍ ورسته ۳۱۰۷  کورنیو ته خوراکي مواد ویشل کیږې چي هري کورنۍ ته به ۲۰۰ کیلو اوړه، ۱۸،۲ غوړي، ۲۵ کیلو دال، ۲ کیلو مالګه، درې کیلو LNS دتغذي لپاره او ۶ کیلو WSB مواد د شیدو ورکونکو ښځو لپاره ورکول کیږي.

نیټه: ۱۴۴۶/۷/۸ هــ ق 
له پیښو سره د مبارزې آمادګۍ ملي اداره