له پېښو سره د مبارزې آمادګۍ ملي ادارې او د عدالت او مدني ټولنې د پیاوړتیا (JCSSO) مؤسسې ترمنځ د څلور سوه نه اتیازره او درې سوه او دوه دېرش (۴۸۹,۳۳۲) ډالرو په ارزښت د ګډو همکاریو تفاهم نامه لاسلیک شوه

نن ورځ پنج شنبه له غرمې مخکې، له پېښو سره د مبارزې آمادګۍ ملې ادارې لوی رئیس، محترم الحاج ملا نورالدین ترابي د عدالت او مدني ټولنې د پیاوړتیا مؤسسې د پروګرامونو له مسؤل، محترم عباس سالمي سره په خپل کاري دفتر کي وکتل او د ګډو همکاریو تفاهم نامه یې ورسره لاسلیک کړه.
ښاغلې محترم ترابي صاحب، د یادې مؤسسې راغلي پلاوي ته ښه راغلاست وویل او زیاته یې کړه، چې خپله تطبیق کیدونکې پروژه باید په پوره شفافیت او چټکتیا سره ترسره کړئ.
په دوام کې، د  دیادی مؤسسې د پروګرامونو مسؤل، محترم عباس سالمي له پېښو سره د مبارزې آمادګۍ ملي ادارې له لوی رئیس؛ محترم ترابي صاحب څخه د وخت ورکولو په پار مننه وکړه او د خپلې پروژې په اړه یې معلومات وړاندې کړل او زیاته یې کړه، چې موږ به خپله پروژه په پوره شفافیت او چټکۍ سره پلې کوو.
د یادونې وړ ده، چې دواړو لوریو ټولټال د څلور سوه نه اتیا زره او درې سوه او دوه دېرش (۴۸۹،۳۳۲) ډالرو په ارزښت تفاهم نامه لاسلیک کړه، چې له مخې به یې د پنجشیر ولایت په دره، خنج ولسوالیو او مرکز بازار ارک ښار کې ۲,۲۱۶ اړمنو، زیانمنو شویو او بې سرپرسته کورنیو ته په څلورو پړاوونو کې په داسې ډول، چې په بازار ارک ښار کې ۷۴۰، دره ولسوالۍ کې ۷۳۸ او خنچ ولسوالۍ کې ۷۳۸ کورنیو هرې یوې ته د څلورو میاشتو په اوږدو کې د خوراکي توکو د برابرولو په موخه ۱۶۶،۹۲ ډالر ووېشل شي.

نېټه: ۱۴۴۷/۲/۲۷ هـ ق
له پېښو سره د مبارزې امادګۍ ملي اداره