له پېښو سره د مبارزې آمادګۍ ملي ادارې لوی رئیس د مالیزیا د طبي مرستو ټولني د راغلي پلاوي سره وکتل
نن ورځ پنج شنبه، له پېښو سره د مبارزې آمادګۍ ملي ادارې لوی رئیس الحاج ملا نورالدین ترابي د مالیزیا د طبي مرستو ټولني د اجراییه مدیر حافظ احمد امیرول او راغلي پلاوي سره وکتل.
ښاغلې ترابي صاحب له هرڅه مخکي راغلي پلاوي ته ښه راغلاست ووایه او مننه یې ورڅخه وکړه چي د کنړ ولایت زلزله ځپلو کورنیو ته د مرستي په موخه راغلي دي او باید د یادو زیانمنو کورنیو سره هرډول مرستي وسي.
همداراز، ښاغلې ترابي صاحب زیاته کړه چي هر سازمان یا مؤسیسه چي هر ځای مرستي ویشي، موږ ورسره پوره همکارۍ کوو او آسانیتاوي ورته برابره وو.
د مالیزیا د طبي مرستي ټولني اجراییه مدیر، ښاغلې حافظ امیرول د یادي ادارې د کاري ټیم څخه یې ځانګړې مننه وکړه او زیاته یې کړل چي موږ په تیره ورځو کې د کنړ ولایت زلزله ځپلو کورنیوڅخه لیدنه وکړل او د کنړ ولایت د نورګل ولسوالۍ ژیړي بابا کمپ کي زیانمنو کورنیو ته سیار روغتیایي کلینکونه، سیار تشنابونه او واش په برخه کي خدمتونه ترسره کړل.
نېټه: ۱۴۴۷/۳/۱۸ هــ ق
له پېښو سره د مبارزې آمادګۍ ملي اداره
