له پېښو سره د مبارزې آمادګۍ ملي ادارې هیئت ۵ تنه مرکزي کارمندانو د ترابی صاحب په هدایت د هلمند ولایت له پېښو سره د مبارزې آمادګۍ ریاست څخه د څارني او ارزوني په موخه د دوو ورځو په موده کي کتنه وکړه
د یک شنبې او دوشنبي په ورځو کي له پېښو سره د مبارزې آمادګۍ ملي ادارې ۵ کسیز هیئت چي د څارني او ارزونې ریاست څخه د ارزوني امر، د خطر د مخینوي او کمولو ریاست څخه دپېښو د خطرونو کمولو کار پوه، د بیړینو حالتو د ریاست څخه د اسنادو د ثبت مدیر، د کارکونکو د چارو ریاست څخه د پلان جوړني مدیر او دنشراتو او عامه اړیکو ریاست څخه د کلیپونو جوړولو او عامه پوهاوي مدیر د څارني او ارزوني، د کارونو د لا شفافیت او پرمختګ په موخه د هلمند ولایت له پېښو سره د مبارزې آمادګۍ ریاست څخه کتنه وکړه.
دا څارنه او ارزونه چي شاوخوا یو اونۍ مخکي د ترابي صاحب په هدایت ۳۳ ولایتونو ته شروع شوې ده د زونونو په حساب هر زون ته ۵ کسیز هیئت لیږل سوی دی چي و به وکولای سي چي د ولایتي ریاستونو په کارونو کي پوره شفافیت، پرمختګ او چټکتیا راولي او ټول کارمندان به د خپلو لایحو او کاري پلانونو مطابق کارو ته متوجې کړي تر څو اولس ته غوره او پر وخت خدمتونه وکړي.
نو جنوب غرب زون ته استول شوی ۵ کسیز هیئت وایې چي موږ د ددو ورځو په موده کي د هلمند ولایت له پېښو سره د مبارز آمادګۍ ریاست د ټولو شعاباتو، دکارونو، دوسیو، ګدام او اسنادو څخه څارنه وکړه او د ټولو کارمندانو څخه مو د دندو د لایحو او کاري پلان پوښتنه وکړه او ټولو ته مو سپارښتنه وکړه چي خپل کارونه پر وخت خلاص کړي او د ټولو شعباتاتو مخ ته لوحې نصب شوې نومونه یې پر ولیکل او د ټولو شعاباتو پر دروازو لوګوګاني ونښلول شوې او ټولو کارمندانو ته توصیه وشوه چي هغه اسنادونه د ځان سره وساتي چي د مرکزي ادارې څخه درته راځي.
نیټه: ۱۴۴۶/۸/۲۶ هــ ق
له پېښو سره د مبارزې آمادګۍ ملي اداره
