په بغلان ولایت کې یوه کړۍ د وسایطو ضد ماین کشف او خنثی شو
له پېښو سره د مبارزې آمادګۍ ملي ادارې د ماینپاکۍ د همغږۍ او انسجام ریاست، د بیړنۍ اړیکې شمېرې (070,8606060) له لارې د ترلاسه شوي اړیکې پر بنسټ، د (MCPA) مؤسسې د بېړنۍ ځواب وینې MCPA-QRT-01ټیم د بغلان ولایت د دهنه غوري ولسوالۍ او د دې ولسوالۍ پیشمان درې کلي ته د عملیاتو لپاره ولېږدوه.
د دې عملیاتو په ترڅ کې، یوه کړۍ د وسایطو ضد ماین چې د سیمې د اوسېدونکو ژوند یې له خطر سره مخ کړی و، کشف، په خوندي ډول انتقال او له منځه یوړل شو.
همدارنګه، د جګړو څخه پاتې ماینونو او چاودېدونکو توکو د احتمالي پېښو د مخنیوي په موخه، د سیمې اوسېدونکو ته د ماینونو او چاودېدونکو توکو د خطرونو په اړه د عامه پوهاوي پروګرام ترسره شو.
نېټه: ۱۴۴۷/۱۰/۲۲ هـ ق
له پېښو سره د مبارزې آمادګۍ ملي اداره
