په لوګر ولایت کې ۱۲۷ زیانمن شویو کورنیو سره غیرخوراکي مرسته ترسره شوه
لوګر- د زمري ۱۵مه-۱۴۰۱
د IOM، DACAAR، IRC او WFP موسسو د لوګر ولایت پېښو سره د مبارزې ریاست سره په همغږي، د یاد ولایت په بیلابیلو ولسوالیو کې ۱۲۷ کورنۍ، چې د طبیعي پېښو له امله زیانمنې شوي وې، له سروې وروسته د یاد ولایت والي محترم مولوي صاحب عنایت الله شجاع، مولوي عبدالله مفکر د پېښو سره مبارزې رییس او یو شمېر نورو مسوولینو په شتون یاد شمېر کورنیو ته غیرخوراکي مرستې ووېشلې.
د یادونې وړ ده چې په دغو مرستو کې، خیمې، کمپلې، پلاستیکي فرشونه او د کور لپاره اړین وسایل شامل و.
