په پکتیکا ولایت کې ۴۹ بېلا بېل ډوله ناچاوده توکي کشف او خنثی کړل شول
د پکتیکا ولایت له پېښو سره د مبارزې آمادګۍ ریاست د هیلوترسټ ماین پاکۍ نړیوالې موسسې د همغږۍ له مخې، د یاد ولایت د شکین ولسوالۍ په شمس الدین چیني کلي کې عملیات وکړل، چې د دې عملیاتو په پایله کې یې ٤٩ بېلابېل ډوله ناچاوده توکي په خوندي توګه یې له منځه یووړل.
یاد ناچاوده توکي، چې له تېرو جګړو څخه پاتې شوي وو، د سیمې د خلکو ځان او مال یې له خطر سره مخ کړي وو، چې له خنثی کولو وروسته یې د احتمالي مرګ ژوبلې مخنیوی وشو.
نېټه: ۱۴۴۷/۳/۲٨ هـ ق
له پېښو سره د مبارزې آمادګۍ ملي اداره
