۱۴۰ زیانمنو کورنیو سره په کونړ ولایت کې خوراکي او غیرخوراکي مرستې ترسره شوې
د کونړ ولایت له پېښو سره د مبارزې آمادګۍ ریاست، د یاد ولایت بېلابېلو ولسوالیو اړوند ۱۴۰ کورنیو ته چې د وروستیو بارانونو او سېلابونو له امله زیانمنې شوې وې، له سروې وروسته د یاد ریاست مشر محترم الحاج قاري ثابت الله صدیقي، د ولایت مقام او سرې میاشتې استازو په شتون کې خوراکي او غیرخوراکي مرستې ووېشلې.
د یادونې وړ ده چې په دې مرستو کې هرې کورنۍ ۵۰ کیلو اوړه، ۵ لیټره غوړي او ۴ تختې کمپلې ترلاسه کړې او د مرستو په ترلاسه کولو سره یې خوښۍ څرګنده کړه.
نېټه: ۲۶/۳/۱۴۴۶
له پېښو سره د مبارزې آمادګۍ ملي اداره
