خبرداری!
د اعتبار موده: د ۱۴۰۴ لمریز کال د وري له ۴ مې نه تر ۵ مې نېټې:
د هوا پېژندنې نړیوالې نقشې پر بنسټ، په پروان، بامیان، دایکندي، میدان وردګ، غزني، ارزګان، هلمند، هرات، فراه، غور، بادغیس، بلخ، سمنګان، سرپل، جوزجان، فاریاب، کندز، تخار، بدخشان او نورستان ولایتونو کې د شدیدو بارانونو او واورې ورېدو ترڅنګ د تالندې او ناڅاپي سېلابونو احتمال شتون لري.
په یادو ولایتونو کې د باران اندازه د ۱۰ څخه تر ۵۰ مليمتره او د واورې اندازه د ۵ څخه تر ۲۰ مليمترو پورې اټکل شوې ده.
له همدې امله, د یادو ولایتونو اوسېدونکي دې له پېښو سره د مبارزې ولایتي کمېټو لخوا د وړاندې شویو لارښوونو سره سم اړین تدابیر ونیسي او عمل دې پرې وکړي.
نیټه: ۱۴۴۶/۰۹/۲۳
له پېښو سره د مبارزې آمادګۍ ملي اداره
