د ارزګان ولایت له پېښو سره د مبارزې آمادګۍ ریاست د خاص ارزګان ولسوالۍ او د زابل د خاک افغان ولسوالۍ تر منځ د سړک جوړېدو له کارونو څخه لیدنه او څارنه وکړه
د ارزګان ولایت له پېښو سره د مبارزې آمادګۍ ریاست د خاص ارزګان ولسوالۍ او د زابل ولایت د خاک افغان ولسوالۍ ترمنځ د سړک جوړولو له روانو چارو څخه لیدنه او څارنه وکړه. د سړک جوړولو دا پروژه له پېښو سره د مبارزې آمادګۍ ادارې له بودجې څخه د دوولس میلیونه (۱۲,۰۰۰,۰۰۰) افغانیو په لګښت د ۲۵ کیلومتره په اوږدوالي او ۶ متره په پلنوالي سره پلي کېږي.
له پېښو سره د مبارزې آمادګۍ ریاست د مسؤلینو په وینا، د سړک جوړولو چارې له ټاکل شوي پلان او تخنیکي معیارونو سره سم په منظم ډول روانې دي او په نږدې راتلونکې کې به بشپړې او د خلکو ګټې اخیستنې ته به وسپارل شي.
دا سړک به د ارزګان او زابل ولایتونو د اوسېدونکو ترمنځ د تګ راتګ اسانتیاوې زیاتې کړي، سوداګریزې اړیکې به پیاوړې کړي او روغتیايي، ټرانسپورټي او نورو عامه خدمتونو ته به د خلکو لاسرسی هم آسانه شي. همدارنګه د دې پروژې بشپړېدل به د سیمې په اقتصادي او ټولنیز پرمختګ کې مهم رول ولوبوي.
د سیمې اوسېدونکو د یادې پروژې له پلي کېدو خوښي څرګنده کړې او له اړوندو ادارو یې غوښتي چې د سړک جوړولو ترڅنګ نورې پرمختیايي او عامه ګټې پروژې هم په سیمه کې پلي کړي، ترڅو د خلکو د ژوند شرایط لا ښه شي.
نېټه: ۱۴۴۸/۱/۰۴ هـ ق
له پېښو سره د مبارزې آمادګۍ اداره
