د اورلګېدنې د مخنیوي دایمي کمېټې غونډه له پېښو سره د مبارزې آمادګۍ ملي اداره کې ترسره شوه
نن سهار، د چهارشنبې په ورځ، د اور لګېدنې د مخنیوي دایمي کمېټې غونډه د خطر د مخنیوي او کمولو رئیس ملا نورمحمد بدري په مشرۍ، د نفتو او ګازو، اطفایې، افغان ملي بیمې، د سوداګرۍ او صنایعو خونې، او د چارو د ادارې لوی ریاست د استازي په ګډون د دې ادارې په انګړ کې ترسره شوه.
غونډه د قران کریم د څو مبارکو آیتونو په تلاوت سره پیل شوه.
په دې غونډه کې د غونډې ګډونوالو خپل د سروې راپورونه وړاندې کړل او د پمپ سټیشنونو د سرغړونو په اړه یې خپل نظرونه او د حل لارې وړاندې کړې.
په پای کې غونډې پرېکړه وکړه چې د پمپ سټیشنونو د معیاري کولو لپاره دې هغوی ته ۱۰ ورځې وخت ورکړل شي. په راتلونکې غونډه کې به د هغوی په اړه پرېکړه وشي او راپور به یې د ریاست الوزرا اقتصادي معاونیت ته واستول شي.
غونډه د خیر په دعا سره پای ته ورسېده.
نېټه: ١٤٤٦/٧/۷
له پېښو سره د مبارزې آمادګۍ ملي اداره
