د اورلګېدو د مخنیوي لپاره د دايمي تخنیکي کمېټې نوبتي غونډه ترسره شوه
نن ورځ سهار یک شنبي د اور لګېدو د مخنیوي لپاره د دايمي تخنیکي کمېټې نوبتي غونډه له پېښو سره د مبارزې آمادګۍ ملي ادارې د عمومي رئیس مولوي محمد عالم عالمیار په مشرۍ، د کورنیو چارو وزارت، ښار جوړونې او هستوګنې وزارت، صنعت او سوداګرۍ وزارت، د کابل ښاروالۍ، د تېلو او ګازو ادارې، د افغان ملي بیمې ادارې، د افغانستان بانک، او د اطفایې د مسؤلینو په خضور کي ترسره شوه دا غونډه په تجارتي، هستوګنیزو او پمپ سټېشنونو کې د اور لګېدو د مخنیوي پلان په هکله جوړه شوې وه.
غونډه د قرآن عظیم الشان د څو مبارکو آیتونو په تلاوت سره پیل شوه.
ورسته پریکړه وشوه چي له پیښو سره د مبارزې آمادګۍ ملي اداره، د اطفایې ریاست او نفت ګاز شرکت لخوا په ګډه به ټولو مارکیټونو، پمپ سټیشنونو او سوداګریز مرکزونه باندي نوي چیک لیستونه وویشي او ورسته به د اورلګیدني ګډه کمیټه نظارت کوي او هغه چا چې احتیاطي تدابیر یې په پام کې نه وي نیولي او په دې برخه کې یې سرغړونه کړې وي د ریاست الوزرا اقتصادی معاونیت ته به معرفی کیږی تر څو چی د سرغړونکو مرکزونه مهرلاک شي.
غونډه په دعا کولو سره پای ته ورسېده.
نیټه: ۱۴۴۶/۵/۸ هــ ق
له پیښو سره د مبارزې آمادګۍ ملي اداره
