د بغلان ولایت له پېښو سره د مبارزې آمادګۍ ریاست په ډنډي غوري ولسوالۍ کې د یو پلچک د جوړولو چارې پیل کړې
د بغلان ولایت له پېښو سره د مبارزې آمادګۍ ریاست، د ډنډي غوري ولسوالۍ د بغلان او مزارشریف په عمومي سړک د خواجه الوان په سیمه کې د یو پلچک د جوړولو چارې د ۳.۹ مترو په اوږدوالي، ۲.۶۰ مترو لوړوالي، ۱.۵ متره سور او د ۸۸۷.۹۱۶ متره حجم په درلودلو سره پیل کړې.
دا پروژه د سېلابونو د خطرونو او زیانونو کمولو، د هستوګنیزو کورونو او د کرنیزو ځمکو د ساتنې په موخه د یو میلیون (۱،۰۰۰،۰۰۰) افغانیو په لګښت، د عالیقدر امیر المؤمنین حفظه الله د حکم پر بیسټ، له پېښو سره د مبارزې آمادګۍ ملي ادارې له لوري تمویل او د قراردادي شرکت له لوري پیل شوه.
د یادونې وړ ده، چې د یاد پلچک د پرانستنې په مراسمو کې د ولایت مقام محترم مرستیال، د ټولګټو ریاست محترم رئیس، له پېښو سره د مبارزې آمادګۍ ریاست محترم رئیس او یو شمیر نورو سیمه ییزو مسؤلینو شتون درلود، چې له امله یې ځایي اوسېدونکو خوښي څرګنده کړه او له یادو مسؤلینو څخه یې مننه وکړه.
نېټه:۱۴۴۷/۴/۱۴ هـ ق
له پېښو سره د مبارزې آمادګۍ ملي اداره
