د بلخ ولایت له پېښو سره د مبارزې آمادګۍ ریاست په شولګره ولسوالۍ کې ۲۲۸ زلزله ځپلو کورنیو ته نغدې مرستې ووېشل شوې
د بلخ ولایت له پېښو سره د مبارزې آمادګۍ ریاست د (Welt Hunger Hilfe (WHH موسسې په ملاتړ، په شولګره ولسوالۍ کې د وروستۍ زلزلې له امله ۲۲۸ زیانمنو کورنیو ته نغدې مرستې ووېشلې.
په دې لړۍ کې د A کتګورۍ ۱۲۳ کورنیو هرې یوې ته ۱۳,۴۱۵ افغانۍ او د B کتګورۍ ۱۰۵ کورنیو هرې یوې ته ۱۱,۱۸۰ افغانۍ ووېشل شوې چې ټولټال، دوه میلیونه او اته سوه درې ویشت زره او نه سوه پنځه څلوېښت (۲,۸۲۳,۹۴۵) افغانۍ مستحقو کورنیو ته ووېشل شوې.
د یادونې وړ ده، چې زیانمنې کورنۍ د WHH موسسې له لوري د ځانګړو معیارونو پر بنسټ په A او B کتګوریو تقسیم بندي شوې وې، چې د ښځې سرپرست لرونکې کورنۍ، معلولیت لرونکو کسانو کورنۍ او د کورونو د ویجاړېدو کچې په پام کې نیول شوې وې.
نېټه:۱۴۴۷/۵/۲۲ هـ ق
له پېښو سره د مبارزې آمادګۍ ملي اداره
