د بلخ ولایت له پېښو سره د مبارزې آمادګۍ ریاست ۵۱ زیانمنو کورنیو ته خوراکي او غیرخوراکي مرستې ووېشلې
د بلخ ولایت له پېښو سره د مبارزې آمادګۍ ریاست د ترکیه جرمني ستلپ بنسټ په مالي ملاتړ، د وروستیو سېلابونو له امله ۵۱ زیانمنو کورنیو ته له سروې وروسته خوراکي او غیرخوراکي مرستې ووېشلې.
په دې لړۍ کې هرې کورنۍ ته ۵۰ کیلو اوړه، ۲۴.۵ کیلو وریجې، ۱۰ لیټره غوړي، ۳.۵ کیلو لوبیا، ۲ کیلو ماش، ۲ کیلو بوره، ۲ قطي رب، ۴ پاکټه مکروني، ۱ کیلو چای، ۲ کیلو مالګه او ۲ کلچې صابون ووېشل شول.
د یادونې وړ ده چې په راتلونکو ورځو کې به د یاد ولایت په شولګره ولسوالۍ کې د ورستیو سېلابونو له امله ۹۷ زیانمنو کورنیو ته هم مرستې ووېشل شي.
نېټه:۱۴۴۶/۶/۱
له پېښو سره د مبارزې آمادګۍ ملي اداره
