د خبر اصلاح
پېښو ته د رسېدو په چارو کې د دولت وزارت نن ورځ ۱۱:۳۰ بجې د یو رسنیز کنفرانس په لړ کې د هرات ولایت زنده جان ولسوالۍ د تېرې ورځ د زلزلې له امله د مړینو شمېر ۲۰۵۳ او د ټپیانو شمېر یې ۹۲۴۰ کسان راپور ورکړ. اوس مهال په سیمه کې د بېړني حالت له امله د ټیمونو لخوا ضد و نقیض راپورونه را رسېدلي چې پورتنۍ شمېرنې صحیح نه دي او د وزارت د اطلاعاتو او عامه اړیکو ریاست د دغو ارقامو د خپرولو په اړه د افغانستان په ځانګړې توګه د هرات ولایت له ملت څخه بخښنه غواړي.
تر دا مهال د ټپیانو او شهیدانو دقیق شمېرنې ۲۰۵۳ کسان او د ویجاړ شویو کلیو د نفوس شمېر ۹۲۴۰ کسان دي چې د دې زلزلې له امله راپور ورکړل شوی.
د شهیدانو او ټپیانو شمېر: ۲۰۵۳ کسان
د زیانمنې سیمې نفوس: ۹۲۴۰ کسان
