د زابل ولایت له پېښو سره د مبارزې آمادګۍ ریاست ۹ زیانمنو کورنیو ته خوراکي او غیر خوراکي مرستې ووېشلې
د زابل ولایت له پېښو سره د مبارزې آمادګۍ ریاست د IOM, UNICEF, AADA, WFP سازمانونو په مالي ملاتړ، د دې ولایت د مرکز قلات، میزانې، ارغنداب او شاجوی ولسوالیو اړوند ۹ اړمنو او زیانمنو کورنیو ته خوراکي او غیر خوراکي مرستې ووېشلې.
په دې لړۍ کې له ګډې سروې وروسته، هرې کورنۍ ته پخلنځي ۱ کېټ، ۳ تختې کمپلې، ۲ عدده څراغونه، ۱ د ژمنۍ البسې کیټ، ۱ عدد فرش، د بېړنۍ سرپناه د ترمیم ۱ کیټ، یو هایجن کیټ، یو روغتیایي کیټ, ۲۰۰ کیلو اوړه، ۱۸.۸ لیتره غوړي، ۲ کیلو مالګه، ۲۵ کیلو دال نخود، ۶ کیلو ښځینه مواد او ۳ کیلو د ماشومانو مواد وویشل شول.
د یادونې وړ ده، چې د یاد ولایت له پېښو سره د مبارزې آمادګۍ ریاست لخوا ۳ کورنیو هرې یوې ته ۱ باب خېمه هم ووېشل شوه.
نیټه: ۱۴۴۶/۰۹/۱۳
له پېښو سره د مبارزې آمادګۍ ملي اداره
