د سرې میاشتې د ځانګړې اونۍ په مناسبت  پېښو ته د رسیدو په چارو کی  د دولت وزارت مرستیال الحاج مولوي شرف الدین مسلم پیغام

سرې میاشتي ټولنه د یو بشردوستانه او مرستندویه ملي سازمان په توګه، سرې میاشتې غورځنګ د بنسټیزو اصولو پراساس د خپل تاسیس راهیسې فعال دی، چې د انسان دوستۍ، بې طرفۍ، رضاکارانه خدماتو، یووالي او نړیوالتوب په برخه کې شامل دي. او فعالیت کوی.د بشری خدمتونو په برخه کښی  د افغانستان اسلامی امارت سره همکار دی
افغاني سرې میاشتې د خپلو اسانتیاوو په لرلو سره د طبیعي او غیر طبیعي پېښو له قربانیانو، بې کوره او بې سرپناه خلکو سره د مرستې په برخه کې ښې لاسته راوړنې لري او تل یې هڅه کړې چې بشري خدمتونه وړاندې کړي
د دې ملي ادارې اغیزمن او رضاکارانه فعالیتونه، سیلاب ځپلو، داخلي بې ځایه شویو او د زړه سوري ماشومانو سره د مرستې په برخه کې، د ستاینې وړ دي.
څرنګه چې د دې خاورې اوسيدونکي له طبيعي پيښو اغيزمن شوي دي، نو د سرمياشتې زياتو صادقانه او بشردوستانه کړنو ته اړتيا لري، زه پوره باور لرم چې د سرې مياشتې کارکوونکي او رضاکاران د بشرپالنې د اصولو پر بنسټ د بشري فعاليتونو د پراخولو په لاره کې بې پریتوب  کار او خپل فعاليت کوی
د میزان د میاشتې ځانګړې اونۍ هر کال په ټول هیواد کې د همکارۍ او له خلکو څخه د مرستو د ترلاسه کولو د فرهنګ د عامولو په موخه په لاره اچول کیږي، څو له زیانمنو خلکو سره مرسته وشي.
دې ته په پام سره چې سرې میاشتې د خلکو په ملاتړ تکیه کوي او د بشري کړاوونو، زیانونو او خطرونو کمولو په موخه ارزښتناک او ګټور خدمتونه وړاندې کوي، د مادي او معنوي حمايت مستحق دی، نو له همدې امله د خصوصي شرکتونو، پانګه والو، کسبګرو، د وسایطو له خاوندانو او کارکونکو په ګډون د هېواد له ټولو خلکو څخه غواړم چې په دې برخه کې د سرې میاشتي اداري سره همکاري او  د نغدو پیسو، د یوې ورځې عاید او معاش  په رضاکارانه توګه مرسته او ملاتړ وکړی
په پای کې د لوی خدای (ج) له دربار څخه د سر میاشت ادارې کارکوونکو، رضاکارانو او  غړو ته د وړ او بشري خدمتونو په ترسره کولو کې د بریالیتوب دعا کوو.
و من الله تو فیق