د سمنګان ولایت له پېښو سره د مبارزې آمادګۍ ریاست د زلزلې له امله ۲۶۰ زیانمنو کورنیو ته نغدې او غیرخوراکي مرستې ووېشلې
د سمنګان ولایت له پېښو سره د مبارزې آمادګۍ ریاست د کډوالۍ نړیوال سازمان (IOM) په مالي همکارۍ، په حضرت سلطان ولسوالۍ کې د زلزلې له امله زیانمنو کورنیو ته نغدې او غیرخوراکي مرستې ووېشلې.
د مرستو د وېش په دې لړۍ کې چې د اړوندو مسؤلینو تر نظر لاندې ترسره شوه، ۲۶۰ زیانمنو کورنیو هرې یوې ته ۸,۵۰۰ افغانۍ او د بېړنۍ سرپناه یوه بسته او همدارنګه ۶۵ کورنیو ته چې کورونه یې په بشپړ ډول ویجاړ شوي وو د پورته یادو مرستو سربېره یو باب خیمه هم ووېشل شوه.
نېټه: ۱۴۴۷/۵/۲۵ هـ ق
له پېښو سره د مبارزې آمادګۍ ملي اداره
