د غزني ولایت له پېښو سره د مبارزې آمادګۍ ریاست ۲۲۵ زیانمنو کورنیو ته خوراکي او غیر خوراکي مرستې ووېشلې
د غزني ولایت له پېښو سره د مبارزې آمادګۍ ریاست د یاد ولایت په مرکز او اندر، ده یک، رشیدان، واغظ او قرباغ ولسوالیو کې ۲۲۵ زیانمنو کورنیو ته له سروې وروسته خوراکي او غیر خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۱۰۰ کیلو غنم، یو عدد څراغ او یو عدد صندوق ووېشل شو او همدارنګه له یاد شمېر کورنیو څخه ۳ کورنیو ته چې ډېرې زیانمنې شوې وې په پورتنیو مرستو سربېره هرې کورنۍ ته یو باب خېمه هم ووېشل شوه.
په پای کې، د مرستو ترلاسه کوونکو کورنیو د یاد ولایت له پېښو سره د مبارزې آمادګۍ ریاست له مسؤلینو څخه د مرستو د ورکولو له امله مننه وکړه.
نېټه: ۱۴۴۷/۱۱/۱۲ هـ ق
له پېښو سره د مبارزې آمادګۍ اداره
