د فراه ولایت له پېښو سره د مبارزې آمادګۍ ریاست ۲۸۷ مستحقو کورنیو ته نغدي او غیرنغدي مرستې ووېشلې
د فراه ولایت له پېښو سره د مبارزې آمادګۍ ریاست د رازي مؤسسې په مالي همکارۍ، په اناردره ولسوالۍکې ۲۸۷ بېوزله کورنیو ته نغدي او غیرنغدي مرستې ووېشلې.
دا بهیر له پېښو سره د مبارزې آمادګۍ ملي ادارې او د رازي مؤسسې ترمنځ د لاسلیک شوي هوکړه لیک پر بنسټ، د ګرګک، کرغک، کلاته علمخان، کلاته نمرات او مهاجرآباد په کلیو کې پلي شو.
د مرستو د وېش پر مهال، هرې کورنۍ ته ۵,۴۷۷ افغانۍ د ۸۰ ډالرو معادل، نغدي پیسې او یو روغتیايي بسته ورکړل شوه. په ټولیز ډول، د دغو مرستو لپاره یو میلیون او پنځه سوه یو اویا زره او اته سوه نه نوي (۱,۵۷۱,۸۹۹) افغانۍ نغدي پیسې ځانګړې شوې وې.
نېټه: ۱۴۴۷/۰۳/۰۳ هـ ق
له پېښو سره د مبارزې آمادګۍ ملي اداره
