د لغمان ولایت له پېښو سره د مبارزې آمادګۍ ریاست له یوې زیانمنې کورنۍ سره بیړنۍ مرسته ترسره کړه
د لغمان ولایت له پېښو سره د مبارزې آمادګۍ ریاست د یاد ولایت له محترم مقام سره په همغږۍ، د دې ولايت د علینګار ولسوالۍ په سنګر سيمه کې د یوې ترافیکي پېښې له امله زیانمنې شویې یوې کورنۍ سره له سروې وروسته د خوراکي، غیر خوراکي او نغدي پیسو مرسته ترسره کړه.
په دې لړۍ کې د مسؤلینو په شتون کې، یادې زیانمنې شویې کورنۍ ته ۱۰۰ کیلو اوړه، ۱۰ کیلو بوره، یو کیلو چای، یوه د ژمنۍ البسې بسته، یوه د پخلنځي البسې بسته او ۵۰۰۰ افغانۍ نغدي پیسې ووېشل شوې.
یادې کورنۍ د ولایت له محتر مقام او د یاد ریاست څخه د زړه له کومي مننه او قدرداني وکړ، او دغه مرسته یې د خپلې سختې غمیزې او روانو ستونزو پر مهال یو مهم او انساني ملاتړ وباله.
د دې ولایت له پېښو سره د مبارزې آمادګۍ ریاست ډاډ ورکوي چې د امکاناتو تر حده به د طبیعي او غیرطبیعي پېښو له امله زیانمنو شوو کورنیو سره مرستو او همکارۍ ته دوام ورکړي.
نېټه: ۱۴۴۷/۷/۱۸ هـ ق
له پېښو سره د مبارزې آمادګۍ ملي اداره
