د لغمان ولایت له پېښو سره د مبارزې آمادګۍ ریاست ۷۴ زیانمنو کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې او د RRDPO مؤسسې ترمنځ د لاسلیک شوي هوکړه لیک له مخې، چې د پروژې تمویلو کوونکی یې د خوړو نړیوال پروګرام (WFP) دی، د لغمان ولایت له پېښو سره د مبارزې آمادګۍ ریاست د یاد ولایت د مهتر لام ښار اړوند او په علینګار، دولت شاه، الیشنګ، باد پښ او قرغیو ولسوالیو کې ۷۴ زیانمنو کورنیو ته خوراکي مرستې ووېشلې.
په دې لړۍ کې د مسؤلینو په شتون کې، هرې کورنۍ ته ۱۰۰ کیلو اوړه، ۹.۱ کیلو غوړي، ۱۲.۵ کیلو دال، ۱ کیلو مالګه، سوپر سریال او مغذي حلوا ووېشل شوه.
د مرستو ترلاسه کوونکو کورنیو د مرستو د ترلاسه کولو له امله د خوښي څرګندولو ترڅنګ له پېښو سره د مبارزې آمادګۍ ملي ادارې او همکارو بنسټونو څخه د پر وخت رسېدنې په پار قدردانی وکړ.
نېټه: ۱۴۴۷/۸/۰۷ هـ ق
له پېښو سره د مبارزې آمادګۍ ملي اداره
