د لوګر ولایت له پېښو سره د مبارزې آمادګۍ ریاست د درېیو استنادي دیوالونو د جوړولو چارې پیل کړې
د لوګر ولایت له پېښو سره د مبارزې آمادګۍ ریاست، له پېښو سره د مبارزې آمادګۍ ملي ادارې د لویو رئیس؛ الحاج ملانورالدین ترابي د لارښوونې له مخې، د دې ولایت د برکي برک ولسوالۍ په درې الف شاه خیل، تګاب کهنه او شیخان مهمند کلیو کې د استنادي دیوالونو د جوړولو چارې د اته سوه او اته پنځوس زره او نه سوه او شپږ اتیا اعشاریه پنځه (۸۵۸،۹۸۶.۵) افغانیو په لګښت سره پیل کړې.
د یادو استنادي دیوالونو د پرانیستې مراسمو کې، د دې ولایت د محترم والي مرستیال، د برکي برک ولسوالۍ محترم ولسوال، د کلیو او ښار جوړونې مسؤلینو او سیمه ییزو وګړو شتون درلود، چې چارې یې په الف شاه خیل کلي کې د ۱۰۶ مترو په اوږدوالي او ۳.۳۰ مترو لوړوالي، په تګاب کهنه کلي کې د ۳۵ مترو په اوږدوالي او ۲.۷۰ مترو په لوړوالي او همدارنګه په شیخان مهمند کلي کې د ۳۱ مترو په اږدوالي او ۲.۱۰ مترو په لوړوالي سره د الهام بهزاد ساختماني شرکت له لوري پیل شوې.
د یادونې وړ ده، چې د یادو استنادي دیوالونو په جوړولو سره د سیمې اوسېدونکي د سېلابونو د راوتلو له احتمالي زیانونو څخه خوندي شي.
نېټه: ۱۴۴۷/۴/۱۹ هـ ق
له پېښو سره د مبارزې آمادګۍ ملي اداره
