د لوګر ولایت په مرکز کې چاودېدونکي توکي کشف او خنثی کړل شول
د لوګر ولایت له پېښو سره د مبارزې آمادګۍ ریاست او د هلوترسټ ماین پاکۍ نړیوالې مؤسسې د همغږۍ له مخې، د دې ولایت د مرکز پل علم په آبچګان دښته کې یو شمېر چاودېدونکي توکي کشف او په خوندي توګه له منځه یوړل شول.
د دې عملیات په پایله کې، له تېرو جګړو څخه پاتې شوي ۱۵۰ ګرامه چاودېدونکي توکي، ۲ کاره د اور بازۍ پټاقۍ او ۱.۵ متره فلیته ثانیه سوز د اړوند مسؤلینو تر څارنې لاندې خنثی کړل شول.
د یادونې وړ ده، چې د دې چاودېدونکو توکو په له منځه تللو سره د سیمه ییزو اوسېدونکو ځانونه او مالونه له احتمالي خطرونو څخه وژغورل شول.
نېټه: ۱۴۴۷/۴/۲۶ هـ ق
له پېښو سره د مبارزې آمادګۍ ملي اداره
