د مالي او اداري ریاست تخنیکي پلاوي د مرکزي زون ولایتونو ته له پېښو سره د مبارزې آمادګۍ ریاستونو د مالي او اداري چارو د څارنې او ارزونې په موخه سفر وکړ
له پېښو سره د مبارزې آمادګۍ ملي ادارې د مالي او اداري ریاست یو تخنیکي پلاوي، د اداري چارو د کره څېړنې او ارزونې په موخه کاپيسا، پروان، پنجشیر او بامیان ولایتونو ته سفر وکړ.
د دې سفر په ترڅ کې، یاد پلاوي د اړوندو ولایتي ریاستونو فعالیتونه او کاري بهیرونه په بېلا بېلو برخو کې لکه، مالي چارو، د ګدامونو تنظیم او ارزونه، د اجناسو ثبت او شمېرنه، د معلوماتي ټکنالوژۍ (IT) سیستمونه او د ترانسپورتي چارو ارزونه وکړه.
د یادونې ده، چې دا څېړنې او ارزونې د اداري چارو د روڼتیا، ښهوالي او د یادو ولایتونو د شته ستونزو د پیژندلو په موخه ترسره شوې دي.
همداراز، یاد پلاوي د شته ستونزو او اړتیاوو د څېړلو ترڅنګ، مسؤلینو ته اصلاحي وړاندیزونه هم وړاندې کړل، ترڅو د ولایتي ریاستونو کړنې اغېزمنې او لا ځواب ویوونکې شي.
نېټه: ۱۳/ ۱۱/ ۱۴۴۶
له پېښو سره د مبارزې آمادګۍ ملي اداره
