د میدان وردګ ولایت له پېښو سره د مبارزې آمادګۍ ریاست ۵۴ زیانمنو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د DRC موسسې ترمنځ د لاسلیک شوي هوکړه لیک له مخې، د میدان وردګ ولایت له پېښو سره د مبارزې آمادګۍ ریاست د یادې موسسې په مالي ملاتړ، د یاد ولایت په بهسود، جلرېز او سیدآباد ولسوالیو کې ۵۴ کورنیو ته چې د طبیعي پېښو له امله زیانمنې شوي وې، له سروې وروسته نغدي مرستې ووېشلې.
په دې لړۍ کې د مسؤلینو په شتون کې هرې کورنۍ ته له ۱۰,۰۰۰ نه تر ۱۸,۵۰۰ افغانۍ نغدي مرستې ووېشلې، چې ټولټال ۸۳۲,۸۵۰ افغانۍ نغدي پیسې د یاد شمېر کورنیو لپاره ځانګړې شوي وې.
ورته مهال، له پېښو سره د مبارزې آمادګۍ رئیس مولوي فیض الله جلالي ووېل، چې موږ تل هڅه د زیانمنو کورنیو لپاره د لا زیاتو مرستو زمینه برابره کړو او پر وخت هغوی ته رسېدنه وکړو.
نېټه:۱۴۴۶/۹/۱۸
له پېښو سره د مبارزې آمادګۍ ملي اداره
