د ننګرهار ولایت له پېښو سره د مبارزې آمادګۍ ریاست د وروستیو بارانونو او سېلابونو له امله د زیانمنو کورنیو سروې بشپړ کړه
د ننګرهار ولایت له پېښو سره د مبارزې آمادګۍ ریاست، د د کډوالۍ نړیوال سازمان (IOM) په همکارۍ، د هغو کورنیو سروې او ارزونه وکړه چې د وروستیو سختو بارانونو او سېلابونو له امله یې ځاني او مالي زیانونه لیدلي دي.
په دې لړۍ کې، د یاد ریاست د تخنیکي ټیمونو او د IOM د استازو له لوري د زیانمنو سیمو ارزونه وشوه او مستحقې کورنۍ د ټاکل شویو معیارونو له مخې ثبت شوې، ترڅو په راتلونکو ورځو کې ورته اړینې مرستې ووېشل شي.
د ننګرهار ولایت له پېښو سره د مبارزې آمادګۍ ریاست ډاډ ورکوي چې د همکارو مؤسسو په همغږۍ به د مستحقو او زیانمنو کورنیو لاسنیوی په چټکۍ سره ترسره شي، څو د هغوی د ژوند لومړنۍ اړتیاوې تر یوه بریده پوره شي.
نېټه:۱۴۴۸/۲/۱۲ هـ ق
له پېښو سره د مبارزې آمادګۍ اداره
