د ننګرهار ولایت له پېښو سره د مبارزې آمادګۍ ریاست له ۱۲ زیانمنو کورنیو سره خوراکي مرستې وکړې
د ننګرهار ولایت له پېښو سره د مبارزې آمادګۍ ریاست د RRDPO موسسې او له پېښو سره د مبارزې آمادګۍ ملي ادارې ترمنځ د هوکړه لیک له مخې, د طبیعي پېښو له امله ۱۲ زیانمنو کورنیو ته له سروې وروسته خوراکي مرستې ووېشلې.
یاد شمېر کورنۍ له پېښو سره د مبارزې آمادګۍ ریاست او د WFP موسسې لخوا سروې او مستحقې پېژندل شوي وې.
په دې لړۍ کې هرې کورنۍ ته ۲۰۰ کیلو اوړه, ۱۸.۵ کیلو غوړي, ۲۵ کیلو دال, ۲ کیلو مالګه, انرژي لرونکي بسکېټ او د ۵ کلنو ماشومانو او مېندو لپاره مغذي مواد ووېشل شول.
نیټه: ۱۴۴۶/۶/۳
له پېښو سره د مبارزې آمادګۍ ملي اداره
