د ننګرهار ولایت له پېښو سره د مبارزې آمادګۍ ریاست ۴۴۸ زیانمنو کورنیو ته غیرخوراکي مرستې ووېشلې
د ننګرهار ولایت له پېښو سره د مبارزې آمادګۍ ریاست د ماشوم ساتنې (Save The Children) او د DACAAR موسسو په مالي همکارۍ، د دې ولایت په دره نور ولسوالۍ او د جلال آباد ښار د درېیمې او اوومې ناحیې اړوند ۴۴۸ کورنیو ته، چې د وروستیو بارانونو او سېلابونو له امله زیانمنې شوې وې، له سروې وروسته غیرخوراکي مرستې ووېشلې.
دې لړۍ کې د مسؤلینو په شتون کې، د Save The Children موسسې له لوري ۲۴۸ کورنیو هرې یوې ته یو عدد ۱۱ قلمه توکي لرونکی کېټ، ۱۸ کلچې د لاس او جامو مینځلو صابون، ۱ عدد د ګازډبه، ۱ تخته پلاستیکي فرش، ۱ تخته ترپال، ۵ تختې کمپلې، ۱ عدد سولري څراغ، ۲ عدد بکسونه او د DACAAR موسسې له لوري ۲۰۰ کورنیو هرې یوې ته ۸ قلمه د روغتیا ساتنې د توکو یو کېټ او د ۲۱ قلمه توکو لرونکې د حفظ الصحې یوه معیاري بسته ووېشل شوه.
نېټه:۱۴۴۷/۱۱/۱۳ هـ ق
له پېښو سره د مبارزې آمادګۍ اداره
