د هلمند ولایت له پېښو سره د مبارزې آمادګۍ ریاست ۱٩٠ سېلاب ځپلوکورنیو ته بېړنۍ خوراکي مرستې ووېشلې
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي د لارښوونې پر بنسټ، د هلمند ولایت له پېښو سره د مبارزې آمادګۍ ریاست، د دې ولایت په مرکز ګرمسیر ولسوالي بیرتاکی سیمه کې د سېلابونو له امله ۱٩٠ زیانمنو کورنیو ته بېړنۍ خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، یوه بورۍ ۵۰ کیلویي غنم، یو روغتیایي کیټ او ٣ عدده سطلونه ووېشل شول او همدارنګه په نیږدې راتلونکي کې به د همکارو مؤسسو له لوري هم ورته مرستې ووېشل شي.
د یادونې وړ ده، چې په سیلاب ځپلو سیمو کې د سروې او تثبیت بهیر لا هم دوام لري، تر څو نورو احتمالي زیانمنو ته هم لازمه رسېدنه وشي.
نېټه: ۱۴۴۷/۱۰/۱۹ هـ ق
له پېښو سره د مبارزې آمادګۍ ملي اداره
