د هلمند ولایت له پېښو سره د مبارزې آمادګۍ ریاست ۹۶ سېلاب ځپلو کورنیو ته خوراکي او غیرخوراکي مرستې ووېشلې
د هلمند ولایت له پېښو سره د مبارزې آمادګۍ ریاست د کډوالۍ نړیوال سازمان (IOM)، د خوړو نړیوال سازمان (WFP)، د ملګرو ملتونو د جمعیت صندوق (UNFPA) او د UNICEF سازمان سره په نږدې همکارۍ، د زیانونو له ارزونې وروسته ۹۶ کورنیو ته چې د وروستیو له سېلابونو له امله زیانمنې شوي وې، اړینې مرستې ووېشلې.
په دې لړۍ کې د مسؤلینو په شتون کې هرې کورنۍ ته ۲۰۰ کیلو اوړه، ۲۵ کیلو نسک، ۲ کیلو مالګه، ۱۸ لیټره غوړي، د ماشومانو لپاره ۳ کیلو شیدې، روغتیایي بستې، کمپلې، د پخلنځي توکي، د بېړنۍ سرپناه کېټونه، سولري څراغونه، پلاستیکي فرشونه او ۳۴ هغو کورنیو ته چې کورونه یې په بشپړه توګه ویجاړ شوي وو، خیمې ووېشل شوې.
نېټه:۱۴۴۶/۹/۵
له پېښو سره د مبارزې آمادګۍ ملي اداره
