د پروان ولایت شینواري ولسوالۍ په باریکۍ قول هیر کلي کې د سیند لارې د پاکولو کار پیل شو
څه موده مخکې، د پروان ولایت شینواري ولسوالۍ په باریکۍ قول هیر کلي کې د سیلابونو او چِکړو له امله د غوربند سیند لاره بدله او تړل شوې وه, چې دی حالت هستوګنیز کورونه، کرنیزې ځمکې او د اوبو برېښنا شبکه د احتمالي سېلابونو له ګواښ سره مخ کړي وو. له همدې امله، د دې لارې د پاکولو چارې پیل شوې.
د شینواري ولسوالۍ باریکۍ قول هیر کلي د اوسېدونکو د غوښتنې له مخې، له پېښو سره د مبارزې ولایتي کمېسیون پلاوي دا سیمه سروې کړه، او له پېښو سره د مبارزې آمادګۍ ملي ادارې له لوري د دې ستونزې د حل لپاره سل زره افغانۍ منظورې شوې. له پېښو سره د مبارزې آمادګۍ ملي ادارې د مقام په لارښوونه او د ولایت مقام په حکم سره، د سیلابونو د خطر کمولو لپاره د یادې لارې د پاکولو کارونه پیل شول.
د یادونې وړ ده، چې شاوخوا ۱۰۰ متره سیمه پاکولو ته اړتیا لري، او دا کار په عملي ډول د یو عراده اسکواټور په وسیله پیل شوې دی.
نیټه: ۱۴۴۶/۰۹/۱۷
له پېښو سره د مبارزې آمادګۍ ملي اداره
